enserá su riesgonan. Si un fli grandi kue tapatapa òf kibra liña, e fli por kai riba dak di e kasnan den e área parti pabou, ku tur konsekuensia ku esaki por impliká. Durante e kompetensia resien un fli a kita bai i resultá den waya di koriente, poniendo ku trahadó- nan di W.E.B. mester a presentá pa atendé ku e situashon. Afortunadamente e no a kousa problema òf molèster pa habitantenan, apesar ku por a mira e wayanan di koriente pegá na otro i tabata chispa kandela. Extra a haña reakshon di diferente persona pa trese e inkietut i preokupashon aki den publisidat i pidi e organisadónan pa tene kuenta ku e situashon. Sugerensia pa skohe un otro sitio pa organisá e kòntèst di fli, por ehèmpel riba e tereno di deporte na Subí Blanku. Un bentaha di Subí Blanku ta tambe ku e sitio aki ta situá mas haltu i e flinan por haña mas bientu pa bai laria. No tin estorbo di ophetonan ku ta wanta bientu, manera ta e kaso ku e edifisio di Kooyman James Kroon a deseá e ekipo Super Store.
