KRALENDIJK— Despues ku porfin nan a keda kla ku pèrmitnan nesesario, restorant I Love Pasta ta habri su portanan e siman aki. Geofrey i Pierre kende anteriormente tabata manehá Crêperie ta propietarionan di e restorant estilo `take out`. “For di luna di mei nos a entregá tur petishon pa e establesimentu. Manera tur hende sa, e proseso por dura largu loke tabata den nos kaso tambe. Pero porfin nos a risibí tur pèrmit nesesario pa por habri nos portanan,” Geofrey a splika
E konsepto `I Love Pasta` ta kaminda e kliente ta skohe un tipo di pasta, sous, i keshi. Geofrey i Pierre mes ta prepará e sousnan ku ingredientenan fresku. E pasta ta kompañá pa algu di bebe i un pasaboka. “Nos ke ofresé Boneiru algu dushi i na un preis rasonabel. E pasaboka ta nos famoso `waffel` ku tantu tur hende ta gusta.” . I Love Pasta ta ubiká na Kaya L.D. Gerharts 6 den sentro di Kralendijk.
