Djasabra STINAPA a tene e promé aktividat pa Junior Ranger avansá di e aña akí loke a resultá eksitoso. E grupo a partisipá na sinku mia di aventura banda di Lagadishi Walking Trail den Parke Nashonal Washington-Slagbaai, gosando di flora i founa di Boneiru. Pero esaki no tabata tur kos, e grupo a partisipá tambe na un aktividat di formashon di ekipo eksitante ku a trese e rangernan mas pegá ku otro.
