Algun dia pasá, un famia di Alemania ku fam Bonnaire tabata di bishita na Boneiru. Djamars nan a bishitá Museo Chich’i Tan i a pasa ratunan plasentero. Nan a keda enamorá di Boneiru. Maurice Bonnaire ta konta: “Ora nos papia ku hendenan ku ta hopi kariñoso i respetuoso, semper nos ta sinti manera famia. Nos fakansi na Boneiru tabata un éksito kompleto i super relahante. Nos ta kontentu ku nos a skohe e paraiso karibense akí pa pasa nos fakansi. Ta un lugá maravioso ku un nòmber bunita.” Algu ku nan a gusta tambe ta naturalesa di Boneiru. Nan a saboriá un aw’i lamunchi na Chich’i Tan, i a proponé pa kumpra un mata di e fruta akí pa sigui gosa di esaki bèk na kas