Djadumingu di Rama

KRALENDIJK – Djadumingu di Rama Parokia La Bírgen di Coromoto tabata di fiesta. Riba e dia aki a selebrá Pader Alphonsus Baak su di 4 aña na e parokia. Tabatin diferente pida kos e dia ei. Tabernakel den kapèl, apertura di Coromoto Gift Shop i djadumingu di Rama. Misa tabata yen di hende, asta pafó di misa. Un kantidat di mucha a reuní na banda di misa i aki Pader Baak a hasi orashon ku nan, pa despues den proseshon drenta misa, djis despues di zonido di klòk di misa, ku tabata un momentu largu no kustumbrá.

Miéntras e grupo pafó di misa tabata prepará pa drenta misa den proseshon, na mes momentu, Maritsa Sielberie den misa a yama bonbiní na parokianonan i a hasi e parti di apertura. Momentu ku tur mucha a drenta den misa i subi altá ku nan krus den man, Pader Baak a menshoná e nifikashon di e krus ku e muchanan a traha. E krus, un saku ku webu, saku ku sèn, saku di fruta zür, loke ta simbolisá e biña i rama. Seguidamente Pader Baak a bendishoná tur hende ku nan rama i e muchanan a bai sinta den misa i a kontinuá ku e selebrashon Eukaristiko. E selebrashon tabata animá pa Kor Flor di Coromoto.

SHARE


LEAVE A REPLY

Please enter your comment!
Please enter your name here