Opstap i su tayer ‘Hunga i siña’

KRALENDIJK — Opstap Opnieuw ta un proyekto di Sentro pa Hubentut i Famia. E proyekto ta kargá pa mamanan di bario ku semanalmente ta hiba tareanan pa mayor na kas. Mayornan na nan turno ta hasi e tarea ku nan yu tur dia, pa mas o ménos 15 minüt. Asina mayornan por pasa tur dia ratunan plasentero i sigui desaroyo di nan yu djaserka.

Un mucha ta desaroyá kontinuamente, muchanan ta siña hopi dor di hunga, nan ta siña usa nan sentidonan pa hole, mira, sinti, skucha, i purba. Tambe ta yud’é komprondé su ambiente i kon anda ku otronan dor di siña kompartí i warda riba su bùrt.

E informashon aki i tepnan pa stimulá, guia i duna e mucha espasio den su hungamentu a kompartí djasabra último, 3 di mart, durante e tayer titulá ‘Hunga i siña’. E aktividat a tumá lugá na Sentro pa Hubentut i Famia.

E tayer tabatin diferente aktividat kaminda muchanan a dibertí nan mes, hungando weganan bou di guia di nan mayor. Sentro pa Hubentut i Famia ta gradisí tur mucha i mayor ku a partisipá durante e tayer.

SHARE


LEAVE A REPLY

Please enter your comment!
Please enter your name here