KRALENDIJK – Fin di siman tras di lomba tabatin e aktividat di Queen & King di alumnonan di MBO. Esaki a tuma lugá den oula di SGB. Meta di e sertámen tabata pa duna oportunidat na e hóbennan pa nan presentá loke nan ta studiando. Reinier Montero i Julivien Sommer a bira King i Queen di e sertámen. Durante e anochi a partisipá 15 hóben i for di nan a eligí King & Queen, tambe segundo i promé finalista. Aparte di e kompetensia, tabatin algun show durante e aktividat.
Entre otro a presentá Aimee Janga kende a trese 3 kantika pa e públiko, sigur un tremendo bos. Rechini Finies a duna un bunita show di baile. E hóbennan di MBO entre otro a presentá, kiko nan ta studiando, e nifikashon di nan estudio i diferente kos mas relatá na e skol. Tur presentashon tabata bon, kada un na nan estilo. Maestro di seremonia a gradisí spònsernan kende a duna un bon koperashon i asina por a pone premio na balioso pa e ganadónan. Entre otro tabatin pasashi pa Kòrsou. Tur partisipante a risibí un regalu. Di 2 finalista King tabata Inmanol Wanga tambe mas simpá- tiko. Promé finalista Jonathan Pekeri i Reinier Montero mas popular i King MBO. Di 2 finalista Queen tabata, Elisabeth Wooter, promé finalista tambe mas popular Amarante Thode i Julivien Summer mas simpátiko i Queen MBO.
