Tim Kulinario 2018 ta aktivá pa ‘Taste of the Caribbean’

KRALENDIJK – Fin di siman tras di lomba a introdusí ‘the Bonaire Culinary Team 2018’. Esaki a tuma lugá na Red Palm Village, den un ambiente ameno kaminda e grupo a sirbi un kantidat di persona loke nan a prepará. Floris van Loo kende ta mènedjer di e tim, a presentá e grupo identifikando kada persona. E grupo ta den ful preparashon, pa asina den luna di yüni binidero, nan biaha pa Miami Florida, pa kompetí den ‘Taste of the Caribbean’.

E siguiente aktividatnan ta:
djadumingu 15 di aprel
djadumingu 6 mei
djadumingu 13 mei,
djadumingu 27 mei
djadumingu 10 yüni.

E tim kulinario ta konsistí di
Miguel (Popi) Saragoza – Senior Che,
Floris van Loo – mènedjer di e tim,
Josue Chalabi – Junior Chef, Maria (Mary)
Maestroni – Pastry Chef,
Sherundly (Shur) Bernabela –
Senior Chef, Dustin Libiee – extra chef i Kelvin Ventura – Bartender.

Durante e aktividat Frank J. Camito, ku ta Chief Executive Officer i Direktor General di Caribbean Hotel & Tourism Association, tambe tabata di bishita na Boneiru pa e okashon di e promé aktividat di tim Kulinario.

El a menshoná ku ta un plaser pa e ta na Boneiru i asina presensiá e grupo ku e aña aki lo kompetí na Miami representando Boneiru. E tabata pa 2 dia na Boneiru. Por sigui e grupo pa medio di facebook pa mas informashon. Por tuma kontakto tambe via dekok@culivise.com i na number di telefon +599 787 4010 òf +599 701 6820.

Potrèt ta ilustrá parti di e aktividat, tambe Isidoor van Riemsdijk, ku ta traha ku e tim Kulinario, tambe Irene Dingjan di BONHATA.

SHARE


LEAVE A REPLY

Please enter your comment!
Please enter your name here