Tripulantenan ta baha riba kuminda indones

KRALENDIJK – Arnold i Lize, dos residente di Boneiru di desendensia surinameño, no tin sufisiente man pa yuda tur e tripulantenan indones i filipino di algun di e bapornan di turista ku ta bishitá e isla aki. E hendenan ta baha for di barku pa bai kome na e stènt ku Arnold i Lize ta operá den Parke Wilhelmina riba dianan ku tin barku di turista den haf.

Aktualmente ta temporada di turismo krusero. Kasi tur dia tin barku mará na waf. Hopi bia asta dos barku. Miéntras ku e hendenan ku tin stènt ta pone atenshon riba turista, e stènt di kuminda operá pa Arnold i Lize ta haña komo kliente hopi tripulante indones i filipino di e barkunan aki Nan ke kome kuminda di ‘kas’, pues platonan indones. I esaki e stènt di Arnold i Lize, asistí pa nan famia, ta ofresé.

Lize ta su antepasadonan ta bini for di Indonesia. Ta konosí den historia di Sürnam ku hopi hende for di India i Indonesia a bin traha den produkshon di aros. Esnan for di Indonesia a bini for di e isla Java.

Loke ta hala atenshon ta e echo ku e tripulantenan aki no ta usa fòrki, kuchú i fòrki pa kome. Nan ta kome ku nan man. Pero Lize, debí na prekoushonnan di higiena, ta ofresé nan hanskun di plèstik pa hinka nan man aden. Nan a ekspresá na Extra ku e kuminda di Lize ta hopi bon.

SHARE


LEAVE A REPLY

Please enter your comment!
Please enter your name here