Auke van der Berg a presentá ‘Ikki’s Eiland

KRALENDIJK — Auke van der Berg a presentá su buki ‘Ikki’s Eiland’ djasabra atardi na Addo’s den presensia di basta hende, ku tabatin oportunidat pa kumpra un òf mas ehemplar. Ben Oleana a fungi komo anfitrion i a konta kon el a topa e outor, kende el a deskribí komo un persona ku ta hopi komprometé ku Boneiru i bonerianonan. Auke van der Berg tin algun aña kaba ta bishitá Boneiru. E ta kana rònt i papia ku hende. Su manera di bisti, ku su guièl, ya kaba ta hala atenshon.

Durante su bishitanan el a papia ku hopi hende. Algun di nan el a entrevistá spesialmente pa su blog riba Internèt. Riba mesun blog aki Auke a pone tambe su mes komentarionan skèrpi den kuadro di e struktura estatal den kua Boneiru ta ku Hulanda desde 10 di òktober 2010. E buki ‘Ikki’s Eiland’, ku ta nòmber tambe di e blog, ta konsistí di entrevista sostené ku diferente habitante di e isla aki. ‘Ikki’s Eiland ta referí Erik (Eki) Arias, kende for di kuminsamentu ta kore rònt ku Auke den su taksi durante su bishitanan na Boneiru. Ben Oleana a konta kon el a topa ku Auke van der Berg i a pon’é den kontakto ku un par di hende ku ta bale la pena kombersá kuné. Despues Auke mes a topa ku mas hende.

 

 

SHARE


1 COMMENT

LEAVE A REPLY

Please enter your comment!
Please enter your name here