Destinu di e buriku ku a karga Hesus

Sebel, yu di hefe di redakshon di Extra-Boneiru Bòi Antoin, den kompania di e buriku brùin konosí na Boka Coco, na kaminda di Lac (Cai).

KRALENDIJK — Hendenan ku a bai Cai, parti di Lac, pa kamper òf hasi bishita e dianan di fiesta di lomba tras di lomba, sin duda a mira un buriku koló brùin pará den solo kant’i kaminda pegá ku Boka di Coco. Un buriku mansu, amabel, ku ta laga hende pasa man riba su kabes i lomba. Si bo tin algu di kome p’e e ta bira mas amabel ainda. No tin masha buriku brùin òf pretu mas na Boneiru.

Mayoria ta buriku shinishi. Den pasado e burikunan brùin i pretu tabata mas gustá, pasobra segun e boneriano di ántes nan ta mas fuerte ku esnan shinishi. Ademas nan por a kore mas duru, loke sigur tabata importante na momentu ku nan tabata sirbi komo medio di transporte pa hende. Djadumingu último a selebrá Pasku di Resurekshon. Promé tabatin kuaresma, ku komo un selebrashon importante ‘Domingo di Rama’, riba kua ta rekordá e entrada glorioso di Hesus den e siudat Herusalèm. Hesus tabata sintá riba lomba di un buriku.

Nan ta konta ku un par di tempu despues e buriku ku a karga Hesus riba su lomba a topa ku un otro buriku i nan a hala un kombersashon. E buriku ku a transportá Hesus tabata bisa e otro: “Mira kon algun dia pasá mi tabata kana den Herusalèm ku Hesus riba mi lomba… Hendenan tabata grita i kanta. Nan tabata tira nan pañanan mi dilanti pa mi kana ariba. Aworaki aki nan no ta ni rekonosé mi.” E otro buriku a kontestá: “Asina bida ta mi amigu. Sin Kristu Hesus bo no ta nada!”

SHARE


LEAVE A REPLY

Please enter your comment!
Please enter your name here