Konseho di Mucha Aquamarin ta yuda ku siguridat den tráfiko

KRALENDIJK — Resientemente miembronan di triángulo a duna un presentashon na Skol Aquamarin kaminda gezaghebber Edison Rijna i Joyce van der Mark di gabinete di gezaghebber, a papia ku e muchanan tokante e problemanan den tráfiko, manera butamentu di fever, para outo riba asera i molèster di zonido duru di motosaikel. E intenshon ta pa Konseho di Mucha di Skol Aquamarin bini ku solushonnan kreativo pa e problemanan aki ku ta kousa estorbo di òrdu pú- bliko i siguridat, pasobra ta huntu, hende grandi i mucha, por hasi tráfiko mas sigur.

E proyekto eskolar aki a bini pasobra serka gezaghebber tabata eksistí e deseo pa partisipá na Konseho di Mucha pasobra e ta sostené e inisiativa aki i ke invertí den hubentut di Boneiru. Huntu ku e sobrá miembronan di triángulo, polis i Ministerio Públiko, gezaghebber Rijna a skohe pa un tópiko importante pa siguridat di Boneiru, esta siguridat den tráfiko. Sin un ordenansa pa tráfiko basta tempu kaba den triángulo no ta yega masha leu den atendementu ku komportashon insigur i molèster den tráfiko. Ku e grupo TOP, programa pa desaroyo di talento, ya kaba a tuma inisiativa pa un kampaña kontra uso di alkohòl den tráfiko.

 

SHARE


LEAVE A REPLY

Please enter your comment!
Please enter your name here