Liseo Boneriano na Sand Dollar Condominium Resort

KRALENDIJK — Sand Dollar Condomium Resort a risibí resientemente un grupo di 20 studiante di Liseo Boneriano. Den dia nan a sera konosí ku e industria di turismo. A risibí e studiantenan na Breeze ‘n Bites ku un bebida di bon biní. Den un par di ora nan a hasi diferente aktividat. Den e departamentu di Housekeeping (servisio di limpiesa) nan a siña kon ta traha diferente figura ku sèrbètè.

Den Front Office (ofisina) nan a hasi un wega kon ta resolvé un problema na un manera bon. Den e restorant nan mes a traha algun pasapalu pa nan haña ora di pousa i nan a siña tambe kon pa drecha un mesa. Na Dive Friends nan a haña splikashon kiko tur bo mester ora di buseo. Despues nan a haña un kues pa chèk nan konosementu. Tabata un dia masha prèt i edukativo.

Gerensia di Sand Dollar tabata masha kontentu ku tabatin hopi studiante interesá den e industria di turismo. Nan ta spera ku e tim di Sand Dollar a hasi basta studiante entusiasmá pa e sektor di turismo i ku den futuro nan por ta forma parti di nan tim.

SHARE


LEAVE A REPLY

Please enter your comment!
Please enter your name here