KRALENDIJK—E ekipo di Sharp Shooters djaweps den partido desisivo dje seri final mihó di tres kampionato biliart bola-8 a titulá kampion despues di a gana Azteca di Nort Saliña ku skor di 5-3, ganando tambe e seri final 2-1. Ku e resultado aki Sharp Shooters a kita e tV—ítulo di kampion fo’i Azteca. Tabata Sharp Shooters ku a gana e promé partido dje seri final i pika dilanti 1-0.
E di dos partido dje seri final, Azteca ta reakshoná i gana pa empatá e seri final 1-1, asina tambe fòrsa e di tres partido, e partido desisivo di e seri final. Djaweps último den un sala yená ku fanátiko, Sharp Shooters ta gana di Azteca ku skor di 5-3 pa titulá kampion i Azteca supkampiom 2017-2018. Sètnan di e partido. Sharp Shooters – Azteca 5-3. Jean Pierre Goeloe a pèrdè 1-2 ku Marnix Abdul ku un 7bola. Charles Vos a gana Garino Molina 2-1. Patun Saragoza a gana Marvin Abdul 2-1 ku un 7bola. Aaron Martis a pèrdè 1- 2 ku Vladimir Mercera. Renny Ciciclia a gana Milton Anthony 2-1. Javier Blanco a pèrdè 1- 2 ku Cedric Anthony. Gio Martis a gana Javier Sof 2-0 ku dos 7-bola. Yamil Jimenez a gana Ariën Cadó 2-0.
Djadumingu awó 22 di aprel 2018 pa 1or di mèrdia tin e parti di premiashon di e kampionato na Kompleho Deportivo Jorge Nicolaas na Kaya Amsterdam. Pabien na e ekiponan kampion i supkampion. Riba potrètnan algun bista di e último partido di e kampionato.
