Strea Briante a gana final Festival di Sine derecho di mucha

KRALENDIJK – Dia 14 di aprel a tuma lugá final di e festival di sine pa mucha di mas grandi den Karibe. Den teater The Cinema’s na Kòrsou a presentá e pelíkulanan ku muchanan di skol básiko mes a pensa i traha. Durante e seremonia festivo, ku tabata parti di Curaçao International Film Festival Rotterdam, alumnonan di Strea Briante a gana e premio pa e mihó pelíkula. Na e final di e festival di derecho di mucha di UNICEF, tabata presente tambe minister presidente Eugene Rhuggenaath i gobernador Lucille George-Wout.

Pues esaki tabata e oportunidat pa e muchanan laga tumadónan di desishon mira kua derecho di mucha nan ta haña importante i kon esaki ta bin dilanti den nan bida. E último lunanan alumnonan di skol básiko di Aruba, Boneiru, Kòrsou, Sint Maarten, Sint Eustatius i Saba, a traha duru pa produsí un propio sine. Pa esei nan a haña yudansa di un coach di sine profeshonal. E pelíkulanan ku e muchanan a traha ta bai tokante e derecho di mucha ku nan mes ta haña importante.

Finalmente pa kada isla e skol ku e mihó pelíkula por a partisipá na e gran final na Kòrsou. E finalistanan tabata di e seis skolnan, Colegio Santa Filomena di Aruba, Strea Briante di Boneiru,  Fatima College di Kòrsou, akohida despues di skol Mega D Youth Foundation di St. Eustatius, akohida despues di skol Child Focus di Saba i Christian Hillside di St. Maarten. A risibí e alumnonan ku hopi gleter i glamur. Manera strea di sine real, huntu ku e públiko grandi, nan a mira nan arte di aktuashon riba pantaya.

Te na último momentu a keda ku suspenso ken ta bai ku e premio. A zona tambe un aplouso fuerte ora a anunsiá alumnonan di Kolegio Strea Briante komo ganadó. E muchanan di skol básiko Strea Briante kasi no por a kere.

Samantha di diesun aña ta konta masha kontentu:

‘Mi a haña tur sine bunita pa mira. Pero mi tabata asina kontentu ora gobernador di Kòrsou a bisa ku nos skol a gana’.

Su kompañero di klas ta konta emoshoná for di podio komo ku nos ta di enseñansa spesial, hende ta pensa hopi bia ku nos no por masha. Pero awor nos a gana e festival di sine. Ku e festival di sine di derecho di mucha na un manera aktivo i kreativo UNICEF ke hasi mucha konsiente di nan derechonan. Sasja Bökkerink di UNICEF Hulanda ta haña traha un pelíkula tokante derecho di mucha realmente ta bai biba.

No solamente pa mucha, pero tambe pa nan mayornan i dosentenan ku ta mira nan yunan i alumnonan lusi den un pelíkula. E final di festival di sine di derecho di mucha di UNICEF ta parti di Curaçao International Film Festival Rotterdam i ta posibel ku yudansa di Ministerio di Interior i Relashon ku Reino.

SHARE


LEAVE A REPLY

Please enter your comment!
Please enter your name here