Aktividat ‘Move i siña’

KRALENDIJK —

Den kuadro di Siman di Famia Sentro pa Hubentut i Famia (SHIF) a organisá djabièrnè 18 di mei un aktividat ku e tema ‘Move i siña’. Pa hasi e atardi posibel, Arviena Vis i Nymphette Josephia di INDEBON, a duna nan aporte. Durante e enkuentro a pone énfasis riba e importansia pa muchanan por move ku spèlnan simpel, pero ku ta eduká i ta laga un famia uni ku otro. Muchanan ta desaroyá kontinuamente, dor di move i eksplorá ku diferente material. E mucha ta siña por ehèmpel pa hasi spèl huntu ku otro mucha i ku pèrdè i gana ta parti di wega.

Despues di e informashon mayornan a bai topa ku nan yunan i nan a hasi spèl huntu ku tin di haber ku kontamentu. Tambe nan a hasi un spèl di memoria, e mucha mes por a pinta algu meskos dos bia i esei a bira un spèl memoria pa e muchanan. Ku e informashon i tepnan ku mayornan a risibí, ta yuda nan pa stimulá, guia i duna e mucha espasio den su movementu. Tabata un anochi super leuk i edu-kativo pa mucha i mayor. Sentro Hubentut i Famia ta yama danki nan tur e mayornan i nan yunan ku tabata presente.

SHARE


LEAVE A REPLY

Please enter your comment!
Please enter your name here