KRALENDIJK
Djadumingu último den oranan tempran di mainta, pa ta mas eksakto mitar di shete mainta, tabatin e di dos edishon di e kaminata Fun Walk di 14 edishon di e kompetensianan anual di windsurf, ProKids 2018, den bahia di Sorobon. E kaminata a start na Jossy Boekhoudt Ballpark na Tera Kòrá despues di e “warm-up” na enkargo di Junny Gill di Indebon. Mas di 300 hende riba pia e mainta aki pa e kaminata ku sigur tabata un éksito. Tur hende e kana den nan shirt di “Fun Walk” lagando e karetera bastante kolorido na e salida di e kaminata. Riba e diferente potrètnan por mira algun bista di e salida di e kaminata na Jossy Boekhoudt Ballpark na Tera Kòrá djadumingu último mitar di shete mainta.
