Francisca Winklaar Machi Prensa

KRALENDIJK – Djaluna Kas di Kuido di Fundashon Mariadal a eligí Machi Prensa, esaki en konekshon ku e konkurso di Machi Modelo 2018 djasabra awor. Francisca Winklaar a resultá ganadó di Machi Prensa 2018. No ménos ku 16 machi a presentá, unda prensa presente tabata hurado pa asina skohe a base kada partisipante pa nan presentashon. Hurado mester a wak vestuario, makiyahe, peñá i asina duna un punto pa loke nan a mira. Kada persona a presentá manera nan ta i por a nota un felisidat ku tabata biba serka e grandinan, gosando di e ambiente. E aña aki ta di 11 bes ku ta organisá e aktividat.

Meta di e aktividat ta pa e hendenan por move i mantené nan estímulo di bida aktivo. Henter e siman aki tin diferente aktividat, klousurando djasabra, unda ta eligí Machi Modelo 2018. Na final a saka e ganadó kende a resultá di ta Francisca Winklaar, esta Machi Prensa 2018. El a keda koroná pa Esmeralda Huerta. Riba potrèt momentu ku Fittipaldi Pietersz di Extra a hasi entrega di un bukèt di flor na Machi Prensa, komo opsekio di Extra.

SHARE


LEAVE A REPLY

Please enter your comment!
Please enter your name here