Fundashon Mariadal a selebrá Dia di Enfermeria

KRALENDIJK – Djasabra 12 di mei, bispu di Dia di Mama, tabata Dia di Enfermeria. Enfermeranan di Fundashon Mariadal a selebrá esaki. Aimed Ayubi pa e okashon tabata maestro di seremonia i a inisiá e programa kantando himno di Boneiru pa Julaika ‘Laika’ Molina i famia, kendenan tur ta laborá den enfermeria. Despues di himno a papia Gilberto ‘Betto’ Martis, unda entre otro el a menshoná kon e trabou di enfermeria ta funshoná. Seguidamente a dirigí palabra Danny Rojer, mènedjer di kuido aki na Boneiru.

Rojer a bisa ku den tur área ku empleadonan di Fundashon Mariadal ta duna kuido, sea na kas òf na hòspital, nan ta trata pa hasi esaki tur dia mas mihó. Sin nos enfermeranan, esaki no ta posibel. Nan ta hinka tur nan tempu den loke nan ta hasi tur dia. E hendenan aki sigur meresé un fuerte aplouso pa loke nan ta ehersé tur dia na pashèntnan di Fundashon Mariadal. Despues di e aplouso a yama tur 17 persona kende a bin na remarke pa risibí e rekonosementu di Florence Nightingale. Ta trata di personanan for di diferente departamentu na Fundashon Mariadal. Apesar ku mayoria no tabata presente pa motibu di trabou òf lès den eksterior, kuater empleado tabata presente i a toka turno pa menshoná ken ta e ganadó di e premio menshoná.

Rojer a dirigí palabra na tur presente i a menshoná ku e personanan ku tin e chèns pa risibí ‘Florence Nightingale Award’ ta hendenan ku semper ta presente i ta duna mas ku normal di atenshon na e kuido pa pashèntnan. Nos mester ta orguyoso di nan i nan ta ehèmpel pa hopi hende. Esun ku mas a sobresalí ta Migala Cicilia. Na di dos lugá a resultá Hershal Henriette, kende no tabata presente. Na final a terminá e parti ofisial, esaki ku un bríndis pa tur presente. Potrèt ta duna bista di e aktividat ku tabata bon bishitá pa empleadonan di Fundashon Mariadal e atardi, esaki pegá ku Kapèl riba tereno di e fundashon.

SHARE


LEAVE A REPLY

Please enter your comment!
Please enter your name here