KRALENDIJK — Djarason atardi grupo di grandi Grasioso Uní a tene un atardi di ambiente, unda tur miembro a presentá pa asina gosa di e atardi. Durante e okashon a eligí tambe mama di e grupo kende a resultá Ines Martis. E aktividat a tuma lugá na Theo Catering situá den Nikiboko. Riba kara di tur presente por a tuma nota kon kontentu kada persona tabata i nan a gosa di e ambiente. Kasi den final di e enkuentro e grandinan a risibí na mesa un sukulento kuminda prepará pa e konosido kòki Theo St. Jago. Noris Pietersz huntu ku entre otro Fridatje Pietersz, tabata e personanan ku a yuda pa asina un i tur a risibí nan plato pa sisti e stoma. Kontentu tur hende a bai kas despues di e aktividat. Kombinashon di potrèt ta duna bista di un parti di e aktividat.
