Swift kampion Kopa ABCS 2018

KRALENDIJK—E tim di sòftbòl Swift di Kòrsou, djadumingu último a titulá kampion despues di a gana di Terremoto Giant den partido final e di 35 edishon torneo sòftbòl Kopa ABCS na Jossy Boekhoudt Ballpark na Tera Kòrá. Swift a titulá kampion pa di tres aña siguí, despues di a gana di Terremoto Giant 11-1 den e final.Picher ganador di e partido aki ta Selwison Angelista. Picher pèrdèdó di e partido ta Jeandre Pereira. Swift a bati 10 hit i hasi 1 eror den e partido. Terremoto Giant a bati 4 hit i hasi 1eror den e partido. Mihó batidónan pa Swift ta Darwin Blanquicett di 3- 3. Raywendly v/ Gurp di 3- 2 ku un homerun. Mihó batidó pa Terremoto Giant ta Emile Haswell di 1-1.

Empayernan ku a dirigí e partido aki ta Giovani Meulens tras di plato, asistí na e basenan pa Eligio Acosta, Gilberto Heredia i Benito Perdomo. Susi Quandt a skor e partido. Promé ku e partido tabatin e partinan ofisial unda ku a hiba palabra e kor-dinadó di e torneo ku a hasi un tremendo trabou, ku ta sr. Magnus Piar jr. Akinan e la gradisí tur ku a partisipá den e torneo. Despues di esaki Tio Roly a kanta himnonan di Kòrsou i Boneiru pa duna inisio na e partido final. Pa duna inisio na e partido final, un di e grandinan di SBT La Sonrisa ku ta sr. Edgar “Èdichi” Agostien, a hasi e promé lansamentu pa di e forma aki tambe duna inisio na e partido. E partido final tabata unu bon bishitá, un gran públiko a presensiá e partido aki. Riba potrètnan e ekiponan di Swift i Terremoto Giant, e pichernan habridó, e ekiponan, empayernan, momentu ku a kanta himno, promé lansamentu pa duna inisio na e partido.

SHARE


LEAVE A REPLY

Please enter your comment!
Please enter your name here