‘The Hostage’ den tòp 12 mihó pelíkula mundial

KRALENDIJK

BYOF Media su pelíkula ganadó, ‘The Hostage’, di e promé ‘48 Hour Film Project Bonaire’ na desèmber último, a sali den e tòp 12 mihó pelíkulanan mundial trahá den 48 ora. ‘The Hostage’ a keda koroná komo un di e 12 mihó pelíkulanan kòrtiku na Filmapalooza 2018 na Paris, Fransia. Debí na e éksito aki, ‘The Hostage’ a bira e promé pelíkula Boneriano estrená na e prestigioso Festival di Sine na Cannes. E tim di BYOF Media a partisipá na mart na Filmapalooza 2018 kaminda a estrená e pelíkula Boneriano ‘The Hostage’. E pelíkula aki ta na Papiamentu ku suptitulo na Ingles i Franses.

Na Filmapalooza 2018, ku a tuma lugá na mart na Paris, e pelíkula Boneriano a keda skohé komo un di e 12 mihó pelíkulanan entre kasi 150 pelíkula kòrtiku trahá den 48 ora rònt mundu. Tambe ‘The Hostage’ a risibí dos nominashon, ‘Best Directing’ pa David Martinus i ‘Best Male Actor’ pa Jorge Gonzalez. Debí na e éksito di Boneiru su prestashon na Filmapalooza, dia 14 di mei a estrená e pelíkula Boneriano ‘The Hostage’ na festival di Cannes. Festival di Cannes ta e festival di pelí- kula mas prestigioso na mundu. Ta un honor ku un pelíkula for di un isla chikitu manera Boneiru ta bai keda estrená na Cannes. Esaki sigur ta un promoshon pa nos dushi isla di Boneiru. Bonaire Youth Outreach Foundation ta gradisí Fondo Kultural Prins Bernhard pa Region Karibe pa e sosten finansiero duná na e proyekto aki. Por mira e pelíkula ‘The Hostage’ na http://48hourfilm.com/cannes, òf na http:/ /48hourfilm.com/bonaire.

SHARE


LEAVE A REPLY

Please enter your comment!
Please enter your name here