Opstap Opnieuw ta un programa di Sentro pa Hubentut i Famia. E programa ta kordiná dor di Carla Oleana, trahadó pedagógiko di e sentro. Djasabra 23 di yüni Opstap Opnieuw tabatin su tayer ‘Nos Famia’. E tayer a tumá lugá na Sentro pa Hubentut i Famia. Durante e mainta tabatin diferente aktividat rekreativo, kaminda muchanan a traha bunita obra di man pa duna nan mayor i famia. Alabes tabatin weganan pa nan sera konosí ku otro i move.
