KRALENDIJK —
E di 100 kliente a pasa serka Qredits i ya por papia di mas ku 100 kliente loke ta un éksito grandi pa Qredits. Algun dia atras Qredits a selebrá e echo ku a yega 100 kliente, ku a haña un fiansa. Milagros Blanken–Rodriquez Navarro i Nicole Senchi-Sordjo, tambe e direktor Elwin Groenevelt di Credtis, a papia e atardi na Konfó Grill Bar Restaurant. E direktor a menshoná ku e ta kontentu ku e isla, sinembargo ta gusta e boneriano, kendenan tin algu spesial ku ta atraé e hende. Esnan ku bin Boneiru pa keiru ta gusta i keda. Groenevelt a konta kon Qredits a inisiá i kon nan ta awor hopi amplio. E ta apresiá gezaghebber di Boneiru, Edison Rijna, kende a aseptá e proyekto aki na Boneiru, esta Qredits. Groenevelt a sigui bisa Orphaline Saleh ta otro persona ku a hasi un tremendo trabou pa Qredits, aparte di diferente persona mas. Nos a yega i a pasa 100 kliente loke ta hopi. Esaki ta mas hopi ku na Hulanda.
Aya tin 12 mion hende, sinembargo Boneiru tin 20 mil hende ta biba. Den komparashon ku e kantidat di hende ku ta biba na Boneiru i Hulanda, Boneiru ta mas grandi, esta mas kliente. E atardi a entregá tambe na gezaghebber Rijna e promé karchi ku ta indiká tur e áreanan ku Qredits a hasi un fiansa. Milagros Blanken a bisa ku esaki ta un logro di diferente persona i awe ta na 100 ku e meta pa yega 150 kliente. Asina a presentá e famia, kende ta esnan ku ta e di 100 kliente. Ta trata di famia Frans-Piar i nòmber di e kompania ta Davana Holding B.V. Phenice Frans a dirigí algun palabra na tur presente unda el a yama danki pa por a haña un push pa por a inisiá ku nan negoshi. Nos ke pa Boneiru progresá. Despues a papia gezaghebber Rijna kende a ekspresá kon importante ta pa nos mes hendenan tin posibilidat pa lanta nan empresa pa medio di Qredits. ‘Awe ta un atardi di emoshon pa mi persona. Mi tabata empresario i mi tambe ta deseá di por ta un empresario awe, sigur di loke mi ta hasi awor komo gezaghebber, loke no ta nada dushi. Boneiru tabata promé isla ku tabatin Qredits i awor esaki a desaroyá bai na otronan tambe. Kos bon semper ta inisiá na Boneiru. Semper mi tabata konfia ku Qredits ku nan ta bai bira un éksito i e number 100 ta un prueba’.
