KRALENDIJK

Gezaghebber Edison Rijna huntu ku diputado James Kroon djarason último a realisá un bishita na e monumento di Sterke Yerke na Washikemba ku aktualmente ta den restourashon. Guus Schweigmann, huntu ku su kompañeronan, a duna gezaghebber Rijna i diputado Kroon un bista di loke a pasa na aña 1979 na luna di desèmber ku nan flota destino Kòrsou ku a subi kosta di Boneiru.

Schweigmann a trese dilanti ku riba e monumento ta bai bin un plakat ku un QR-Code asina por mira e aventura kompletamente via telefon mobil i ku Museo Terramar ta bai pone atenshon pa ku esaki. Finalmente Gezaghebber di parti di Gobièrnu di Boneiru a duna palabranan di elogio na e tim i a pin eskudo di Boneiru na Kapitan Schweigmann, su ruman Chris Schweigmann i Frits Riemersma.