Transplantashon di spòns na Waf di Cargill

KRALENDIJK

STINAPA ta kolaborando ku kompanianan lokal pa suavisá e konsekuensia di trabounan di mantenshon na wafnan komersial. Den e lunanan benidero, STINAPA i boluntarionan .ta traha huntu pa transplantá spòns na e diferente wafnan. E meta ta pa kita spòns ku ta krese na e pilánan den e área kaminda konstrukshon ta tumando lugá, 1 meter bou di superfisie di laman i hiba nan na un área liber di konstrukshon, mas o ménos dos meter òf mas hundu. Ta hasi esaki pa salbaguardiá e bunitesa i biodiversidat di e sitio aki tanten ku mantenshon nesesario ta tuma lugá. Spòns ta e kos mas prinsipal ku ta krese na e pilá- nan i por krese i pega su mes bèk. Pa e motibu ei e enfoké di transplantashon ta riba e spònsnan.

E proyekto di transplantá spòns a kuminsá algun siman pasá kaminda e biólogonan di STINAPA a duna treinen i a hasi presentashon tokante di transplantashon di spòns. Durante di e promé transplantashon tabatin 21 sambuyadó ku a transplantá 26 spòns. Mayoria di nan tabata boluntario bou di supervishon di STINAPA. Hopi di e spònsnan ku tabata kore peliger awor ta mará ku liña di piska na un sitio nobo i ta spera ku dentro di dos luna nan lo pega na e pilánan. Despues un tim di sambuyadó lo bishitá tur e sitionan pa kita e liñanan di piska. Por fabor tene na kuenta si mira hende kitando spòns ku hanskun bistí, ku esaki ta tumando lugá ku pèrmit i bou di supervishon di STINAPA. A skèdjùl seshonnan semanalmente i boluntarionan ta bon bini. Esnan interesá pa partisipá por mail nature@stinapa.org pa registrá.

SHARE


LEAVE A REPLY

Please enter your comment!
Please enter your name here