Tutti Frutti a entretené

KRALENDIJK

Djasabra tabata un dia históriko pa Boneiru. Esaki relashoná ku yegada di promé buelo di American Airlines na Boneiru. E mesun dia ku e promé avion a yega Boneiru, a tene un enkuentro ku prensa pa asina esnan konserní ku American Airlines, ku awor ta bula pa Boneiru, papia tokante presensia di e kompania ku ta bula di Merka pa Boneiru. Agrupashon musikal Tutti Frutti a entretené tur hende, loke a kai na smak di tur presente. Tabata notabel un kara nobo den e grupo, ta trata di Ceril Janga, kende ta un konosido tokadó di entre otro bas. Extra a komprondé ku ta promé bes Janga a forma parti di e grupo, tur esaki sin praktiká. Basá riba su konosementu musikal, el a kapta estilo di toka di e grupo i sin ku niun hende a tuma nota ku tin un tokadó nobo den e grupo, el a kompaña grupo Tutti Frutti durante e anochi pa tur presente. Riba potrèt un prueba ku e grupo a toka bon i músika a obligá tur presente pa lòs e pianan manera ta bisa.

SHARE


LEAVE A REPLY

Please enter your comment!
Please enter your name here