KRALENDIJK –
Un kantidat di no ménos ku 10 persona kendenan ta empleado di Fundashon Mariadal, sekshon di enfermeria, a gradua. Di e studiantenan, 4 a gradua pa ziekenverzorgende i 6 pa verpleegkundige. Durante e anochi di entrega di diploma, Gilberto Martis, tabata maestro di seremonia i promé persona kende el a yama pa dirigí palabra tabata dòkter Giovanni Frans, direktor di Fundashon Mariadal. Despues a papia Ria Boel di VU-Amstell Academy i seguidamente Jan Astma Veen, representante di ROC– TOP. Despues ku diferente persona a dirigí palabra, dòkter Frans a hasi e parti di huramenteshon i final e parti di entrega di diploma. Despues di entrega di diploma, algun graduado a dirigí algun palabra na tur presente i den un bon ambiente a sera e anochi den kompania di tur presente. Pa ziekenverzorgende a gradua Stefhany Wijman, Jovianca Emerenciana, Maryse Isenia i Jeanisse Gonzales i pa verpleegkunde Lilyanela Servania, KeiliShea Hunt, Michaella van Vliet, Trestana Hoogland, Eugenine Frans i Rebecca Menzies.
