Chasta Swim ta siña mas mucha landa

KRALENDIJK –

Resientemente un grupo di mucha relativamente chikitu na edat, a risibí nan sertifikado pa landamentu. Nan a haña lès pa siña landa serka e konosido Eddy i su yu Charlton Cristiaan di Chasta Swim. Mucha for di 4 aña por kuminsá praktiká di landamentu. Ta importante pa hende siña landa, sigur un persona ku ta biba rondoná pa laman ku no ta leu for di unda e ta biba. Den nos kaso, na Boneiru landamentu no solamente ta interesante, sino tambe importante. Dia 27 di yüli ta kontinuá ku lès pa siña landa i por tuma kontakto ku Eddy Cristiaan na 525-0929. E muchanan ku a risibí sertifikado ta Isabella Christeley Sugarda, Dabertson Chris, Catalina Jenelis Dorotea, John Soleana i Kumar Piar. Nan a risibí sertifikado i ta trata di mucha entre 4 pa 7 aña. Riba potrèt momentu ku e hóbennan tabata den práktika i despues a tuma nan sertifikado, esaki na Chachacha Beach.

SHARE


LEAVE A REPLY

Please enter your comment!
Please enter your name here