KRALENDIJK—
E promé siman di e kampamentu di zomer di e sentro pa hubentut di nos isla ku ta Jeugdhuis Jong Bonaire siman pasá tabata un gran éksito. Esaki e kordinadó sr. William Evertsz ta trese dilanti den un deklarashon pa prensa fin di siman tras di lomba. Segun sr. Evertsz, durante e promé siman e hóbennan por a disfrutá di un tremendo promé siman di Jong Bonaire su “zomerkamp”. E promé siman di e kampamentu tabatin diferente aktividat pa e hóbennan. Tabatin entre otro “booth camp, outdoor camp, dive kamp, make up camp”. Hóbennan ku ke bishitá e “zomerkamp” ta posibel ainda pa solamente $15,- pa tur e simannan di e kampamentu. Si e hóben ta miembro kaba di e sentro aña eskolar ku a finalisá, e no mester paga nada. Aktividatnan ta di djaluna pa djabièrnè di 9or mainta pa 4or di atardi. E hóbennan ta kome mèrdia na e sentro di Jong Bonaire. Ku otro palabra e $15,- pa tur e simannan ku kuminda grátis tur mèrdia pa e hóbennan den e kampamentu. Hóbennan ku ta miembro di e sentro pa hubentut Jong Bonaire, no ta paga nada nada. Tur hóben den e kampamentu ta kome kuminda kayente tur dia. Mayornan inskribí e yu(nan) pa e kampamentu di verano aki di Jeugdhuis Jong Bonaire unda nan ta siña tambe masha masha hopi mes. E siman aki tambe e kampamentu tin masha hopi aktividat pa e hóbennan, entre otro tin tambe un programa di bòkseo. Tambe sr. Evetsz a manda pa nos un seri di potrèt di e promé siman di e kampamentu di verano di Jeugdhuis Jong Bonaire. Riba potrètnan ku nos ta publiká awe por mira esakinan.
