E foto aki ta mustra e bario Rincon na kaida di dia, atardi lat pa kue anochi, riba un foto saká for di Altamira Unjo. E foto aki ta indiká ku Rincon tin bon struktura di e konsepto di ‘dorp’, ku su misa meimei, rondoná pa kas. No opstante desaroyo di Rincon, su karakterístika di pueblo ketu bai ta keda mantené. E palabra Unjo, segun historia oral, lo ta bini di ‘Uncle Joe’, un hòmber di islanan ingles ku tabatin un rancho bou di baranka na e sitio aki
