Bonaire.tv ta bai pone hopi atenshon na literatura den su programashon. Den e kuadro aki a kuminsá graba poetanan lokal deklamando nan mes obranan literario. E siman aki e promé grabashonnan a tuma lugá na Lizzard Inn, lokashon ku a skohe pa hasi grabashon. E promé outornan ku a presentá pa hasi grabashon e siman aki ta Regina (Uchi) Frans i Linda Coffie, konosí tambe komo Tante Linda, kende por apresiá riba e foto momentu di e grabashon.
