E ta tuma tempu i pasenshi, pero ta posibel pa reskatá dokumentonan importante i asta korant dañá pa awa durante por ehèmpel orkan òf áwaseru torensial. Den un konferensia titulá ‘Disaster Recovery and Heritage Preservation’ na St. Maarten e siman aki, na kua Boneiru tambe ta partisipá ku Sedney Marten (OCW), Meralda (Ada) de Palm di OLB i Bòi Antoin di FuHiKuBo, a tene tambe un treinen riba kon pa trata papel i portrèt ku a muha ku awa den un desaster natural. Foto ta mustra Ada de Palm tratando un dokumento muhá.
