Asha Wilsoe-Pourier a risibí e rekonosementu komo suidadano di honor riba Dia di Boneiru. BOPEC, kaminda Asha ta traha na e departamentu di rekurso humano, ta masha orguyoso ku su empleado a risibí e rekonosementu importante aki pa su embolbimentu den trabounan boluntario. Durante un enkuentro, Adely Jansen, kontroladó finansiero, den presensia di gerensia di BOPEC, direktor Etward Manuel i Fabiola Beaz direktor gerente, a entregá Asha un bokèt di flor komo muestra di apresio.
