KRALENDIJK —

Ofisina di Turismo un bia mas a risibí informashon di akomodashonnan ku tin huéspet ku ta bishitando Boneiru anualmente i ku ta bini na remarke pa risibí rekonosementu komo embahador di Boneiru. Ta trata aki di Keith i Stephanie Choat di Merka, Foppe i Andre Heineman di Hulanda ku ta bishitando Boneiru pa 12 aña konse- kutivo i a risibí medaya di bròns.

Miéntras David Imschweiler tambe di Merka ku ta bishitando Boneiru pa 15 aña konsekutivo i a risibí medaya di plata. Mester hasi menshon ku e programa aki ta bastante gustá serka bishitantenan i na mayoria okashon nan ta bini ku grupo grandi di ami- gu i grupo di buseo. Helen Mercera-Thodé di TCB a efektuá e seremonia di rekonosementu i a hasi entrega di sertifikado i medaya na e embahador- nan.