MPB ful den kampaña elektoral kaba

KRALENDIJK —

MPB ta ful den kampaña elektoral kaba. Elekshon pa Konseho Insular ta dia 20 di mart 2019. Por ripará ku MPB no ta sinta ketu. Bandera i stekernan di e partido aki ta visibel na basta kaminda kaba. Kontrario na otro partidonan, por ripará ku MPB ta hasi hopi uso di media sosial pa hasi nan kampaña. Lider di kampaña di MPB ta Hennyson Thielman. Elvis Tjin-Asjoe mes ta moviendo tur kaminda. E ta den pueblo i, por ehèmpel, ta anunsiá tur dia na unda e ta kome mèrdia, dunando asina oportunidat tambe na hendenan interesá pa topa kuné. E krítikanan ku su opositornan sa tin kontra Elvis Tjin-Asjoe, den sentido ku e ta biba na Aruba, ya no tin balides mas. Semper el a keda inskribí na Registro Sivil komo bibá na Boneiru, anke e tabata hopi na Aruba, pasobra ta riba e isla ei su esposa ta biba. Via media sosial, spesialmente facebook, MPB ta lagando pueblo komprondé ku e partido ta stabil. E lidernan di promé ora, manera Diasy Coffie, Renata Domacassé, Joselito Statia, Gianni van der Heuvel, Fermin Anthony, tur t’ei ainda.

Segun un informe publiká riba e página di facebook di MPB djadumingu, Renata Domacasse, kofundador di Partido MPB i awor miembro di Frakshon di MPB den Konseho Insular, ta hopi aktivo. Renata ta e generashon nobo di famia Domacasse den polítika di Boneiru. “For di inisio Renata Domacassé akeredenakousadiun partido nobo pa krea kondishonnan pa un mihó bida den kada kas na Boneiru.” Gianni van den Heuvel, miembro di direktiva di Partido MPB, tambe t’ei. Gianni ta kofundador statutario di MPB huntu ku Hen- nyson Thielman, Renata Domacasse, Serapio Pop i Elvis Tjin Asjoe. “Danki Gianni pa karga MPB for di kuminsamentu. Bo a kumpli ku deseo di pueblo pa lanta un partido nobo, krea lidernan nobo i trese un forma nobo di hiba polítika. Awor ta na pueblo pa duna MPB e mandato total pa kumpli ku e kambio ku pueblo ta anhelá”, Elvis Tjin-Asjoe ta skirbi riba e página di facebook di MPB. Fermin Anthony, Mac Thodé, e konosido Den Grandi (Molina) i otro aktivistanan t’ei. Asina tin hopi maskunoalagaMPBna kaya despues di e último elekshon di Konseho Insular.

 

SHARE


LEAVE A REPLY

Please enter your comment!
Please enter your name here