KRALENDIJK —
E siman aki tabatin un eksposishon di agènda esaki presentá pa ‘Friends of Nature Foundation’. Malinda Hassell di TCB tabata promé persona ku a dirigí palabra i a splika ku Parisina Malatesta tin hopi aña ta traha agènda. Diferente instansia ta usa e agènda, inkluso TCB. Seguidamente a papia Parisina Malatesta, kende a splika tokante e kontenido di e agènda. Esaki nos di fundashon ‘Friends of Nature Foundation’ ta hasié ku e meta pa trese e bunitesa di Boneiru mas den publisidat.
E agènda 2019 ta kontené tambe di entre otro potrèt di Barbara Boezem, kende a gana ku loke el a pinta pa bai den e agènda. Nos ta regal’é e promé agènda di 2019, asina e tambe ta disponé di e agènda ku e pintura ku e mes a pinta, Malatesta a bisa. Malatesta a menshoná tambe e atardi durante su kombersashon ku prensa tokante tribon. Tur aña di nobo un kantidat enorme di tribon ta muri di un òf otro forma. Boneiru tin hopi koral i tribon ta hopi importante pa e region aki.
Miéntras por a mira e agèndanan riba un mesa na TCB, Malatesta a menshoná ku Boi Antoin tambe a yega di skirbi tokante Rincon den un di e agèndanan, esaki den esun di 2011. E a apresiá masha e kontenido ku Antoin a dun’é tokante Rincon i ta deseá di por haña mas material serka dje pa e próksimo agènda. ‘Mi a keda impreshoná kuantu informashon Antoin tin pa loke ta trata historia di Boneiru. Ya ta 20 aña mi tin ta traha e agènda i por kumpra esaki den diferente establesementu na Boneiru’, Malatesta a bisa. Riba potrèt Barbara Boezem tumando su agènda, esun ku a gana ku e pintura ku ta den e agènda.
