Davidlee kampion

KRALENDIJK —

Djasabra Davidlee Winklaar a bira kampion na e kompetensia WAKO Pan American Championship di kickboxing 2018 na Mexico. Ku orguyo DaDavidlee kampion vidlee a skirbi riba su página di Facebook: ‘Huntu nos a hasi Boneiru, we just did it.

Ami tabata den e rin, bos tabata den mi kurason i Dios a move pa mi. Huntu noa a hasié’. Davidlee a risibí su premio di e presidente di WAKO Hulanda. Durante otorgamentu di premio e organisashon a tuma tempu pa rekonosé ku ta promé bia ku Boneiru a kompetí na e kampionato Panamerikano di WAKO. Boneiru a risibí un felisitashon spesial i un kaluroso bon biní.

Hopi atleta di Nort te Sur Amerika di diferente klase di peso, a partisipá na e kampionato aki. Davidlee a bringa den final kontra un atleta Kanades. For di e promé pelea Davidlee a hasi impreshon dor di gana nòkout den 10 sekònde. Davidlee a trein hopi tempu independiente. Último añanan el a disidí di forma parti di Top Team Bonaire. Despues di diferente torneo na entre otro Kòrsou i Aruba, awor el a bira kampion na Mexico.

SHARE


LEAVE A REPLY

Please enter your comment!
Please enter your name here