Estreno di Big ’N Mac un éksito

KRALENDIJK –

Djaweps último tabatin e estreno di e seri di Big ’N Mac na Trans World Radio. Esaki ta un produkshon di un grupo lokal ku David Martinus na kabes komo direktor di seri aki. Den e seri di polis aki David ta konsentrá di un manera chistoso riba relashonnan na trabou, amistat i aventura. Un elemento sentral tabata papiamentu.

E aktornan a hasi nan entrada den SUV pretu. Despues di a introdusí e personahenan na públiko presente, a duna espasio pa saka foto ku nan. Sala tabata kompletamente yen. Na final David a duna gradesimentu na kada aktor den forma di un plakat. Gezaghebber Edison Rijna tambe tabata presente na e evento i a otorgá e plakatnan na nòmber di David Martinus. Rijna a bisa: “Mi ta para kompletamente tras di inisiativa positivo, ku ta unu lokal. Lokual ku e grupo aki a hasi ta inkreibel. Nos mester promové mas di e tipo di inisiativanan aki.”

SHARE


LEAVE A REPLY

Please enter your comment!
Please enter your name here