Flora ‘Foyan’ Martis a yega 90

KRALENDIJK –

Djaweps 25 di òktober fecha natal di Flora Martis, bon konosí pa Foyan, a selebrá 90 aña di bida. Pa e okashon aki a inisiá e dia ku un santu sakrifisio di misa na Kapèl i despues a kontinuá ku e selebrashon na Kas di Kuido di Fundashon Mardial. Misa tabata ofisiá pa Pader Ivan Dario Perez Gomez, kende a bendishoná Foyan ku awa bendita na final di misa.

Despues esnan presente a duna Foyan pabien i a sigui rumbo pa Kas di Kuido kaminda Sharlotte Sintiago a sigui ku e parti di guia di e selebrashon. El a dirigí algun palabra pa tur presente, entre otro a menshoná ku ta un apresio pa mira e famia, spesialmente yunan di Foyan presente. Bunita i bon ehèmpel. Tur dia yunan ta pasa i kuminda nan mama na Kas di Kuido. No ta momentu di selebrashon so, mester bishitá miembro di famia serka nos. Ta importante pa hasi esaki ku regularidat. Sintiago a bisa e ta apresiá e famia aki loke nan ta hasi pa nan mama.

Esaki ta un amor di bèrdat pa nan mama. Nunka nan a laga e mama bandoná. Despues a kontinuá ku sakamentu di potrèt i kòrtamentu di bolo. Seguidamente Sintiago a motivá Foyan pe kanta un kantika i el a komplasé ku deseo di tur presente, loke semper el a gusta, esta kanta.

SHARE


LEAVE A REPLY

Please enter your comment!
Please enter your name here