KRALENDIJK —
Grupo Spiritu Santu a kumpli 43 aña di eksistensia djaluna 15 di òktober. En konekshon ku e selebrashon di 43 aña, e grupo a organisá un komementu na Divi Flamingo Beach Hotel, na Pure Ocean Restaurant. Den un ambiente dushi i ameno, miembronan di e grupo enkabesá pa Annemarie Pietersz, a disfrutá di un sukulento desayuno na e hotèl.
Nan a inisiá e okashon ku orashon i entre otro a pidi bendishon pa Sùr Virginia kende a funda e grupo 43 aña pasá i aktualmente ta establesé na Kòrsou. Potrèt ta ilustrá esnan ku tabata presente, faltando mas miembro di e grupo, ku di un òf otro manera no por tabata presente pa e okashon.
