Haladó i Machiká a impreshoná

KRALENDIJK –

Durante e promé anochi di festival di Regata 51 despues ku tabatin diferente presentashon riba entre otro stage prinsipal, na final di e anochi a presentá Jonathan Thiel, bon konosí pa ‘Jeon’. Un kantidat enorme di hende a aglomerá na e sitio pa asina presensiá e kantante arubano i e grupo. Sierto momentu durante su presentashon el a tuma un momentu pa ekspresá kon e konosé Boneiru i ku e ta stima e isla.

Jeon a menshoná ku el a partisipá na festival di tuma hubenil na Boneiru i for di e tempu ei e tin Boneiru den su kurason. ‘Momentu ku mi a bai graba e kantika Machiká ku J. Balvin, mi a bisa mi mes ku mester menshoná Boneiru den e kantika’. E kantika Haladó di Boneiru awor interpretá pa Jeon den un bachi nobo, a zona tremendo i públiko a biba masalmente ku esaki. Na final komo último kantika el a presentá e kantika Machiká ku a sakudí esnan presente.

Despues ku Haladó a aktivá tur hende, Machiká tabata manera e chèri riba e bolo e anochi. Tur hende a gosa i tabata mas ku kontentu e promé anochi di Regata 51, e parti di festival di anochi den sentro di suidat.

SHARE


LEAVE A REPLY

Please enter your comment!
Please enter your name here