KRALENDIJK –

E aktividat ‘Clean-up Dive’ di Dive Friends, Sea Turtle Conservation i Stinapa Bonaire Junior Rangers a demonstrá ku ketu bai tin hopi plèstik bou di laman na kosta boneriano. Djasabra último Dive Friends den kolaborashon ku Sea Turtle Conservation i Stinapa Bonaire Junior Rangers a organisá un limpiesa bou di laman. Kada kuartal nan ta forma grupo di sambuyadó ku ta limpia fondo di laman na kosta boneriano. E grupo aki ta konsistí di diferente edat, hóben te mas avansá, habitante di Boneiru i tambe turista. E grupo a logra saka hopi liña di piska, baki, tayó, fòrki, kuchara i saku di plèstik.