Konmemorashon tragedia di Ser’i Bentana

KRALENDIJK –

Djasabra mainta STINAPA a konmemorá e echo ku 64 aña pasá a sosodé un tragedia impreshonante na Ser’i Bentana, situá den Parke Washington. E wardadó di torno Nicasio Martinus Winklar, alias Ricardo òf Kayoso, a pèrdè su bida kruelmente.

Su kompañero Caspar (Papa) Coffie sí a sobrebibí. Dia 20 di òktober 1954 Boneiru a konosé un tragedia ku a keda hopi aña bibu den memoria di esnan ku di un òf otro forma tabata embolbí. Rayonan di welek a alkansá e torno aki, ku den un ratu di ora a kombertí den un kandela feros, eksigiendo bida di Nicasio Martinus (Ricardo) Winklar, un habitante di Rincon, tata di e kantante legendario Nemensio Winklar.

Basta famia di tantu Ricardo Winklar komo Papa Coffie a asistí na e konmemorashon djasabra. Konvoi di Orlando Fransisca a transportá e invitadonan for di porta di Washington pa Ser’i Bentana. Personanan ku a hiba palabra tabata entre otro gezaghebber Edison Rijna, direktor di STINAPA Arien de Wolf, Alejandro Martinus i Bòi Antoin di FuHiKuBo.

SHARE


LEAVE A REPLY

Please enter your comment!
Please enter your name here