“Laga e muchanan bini serka Mi”

KRALENDIJK –

Iglesia Pentecostal di Nòmber di Jesús, situá na Kaya Rafaela, Antriol, ta pone hopi atenshon na mucha. Aki no tin kuenta di laga muchanan serka otro hende pa bishitá iglesia. Mayornan ta bini iglesia ku nan yunan. Pastor di e iglesia aki, Onesilver Echeverry Blandon, ta stimulá mayornan tambe pa trese nan yunan iglesia.

E iglesia aki no tin hopi tempu na Boneiru. Masoménos 10 aña pasá el a kuminsá den bario Antriol. E promé sirbishinan tabata tuma lugá den un kas na Kaya Linda. Despues a move pa Kaya Rafaela den mesun bario, usando un kònteiner. Awor ta trahando un iglesia di blòki riba e tereno ei.

Loke ta hala atenshon durante e sirbishinan di Iglesia Pentecostal di Nòmber di Jesús ta ku tin hopi mucha, tantu beibi komo mucha mas grandi. I nan ta sinta trankil pa skucha i kanta. E beibinan tin bes ta pega soño, pero nada di yoramentu. Iglesia Pentecostal di Nòmber di Jesús ta basa presensia di asina tantu mucha den e iglesia riba Beibel, pa ta eksakto Marko 10:13: “Algun hende a trese mucha pa Hesus pone man riba nan, ma e disípelnan a skual e hendenan.

Ora Heses a mira kiko tabata pasa, El a rabia ku nan i bisa: ‘Laga e muchanan bini serka Mi. No kita nan di bini, pasobra reino di Dios ta pertenesé na esnan manera nan.”

SHARE


LEAVE A REPLY

Please enter your comment!
Please enter your name here