Nathaniel Cicilia ganadó apsoluto kòntèst di spich

KRALENDIJK —

Djabièrnè pa promé bia Toastmasters den kombinashon ku BYOF, a organisá un kòntèst di spich pa hóben. Jefferson Rosalia a organisá un treinen di Toastmasters Youth Leadership Program. E treinen ku a dura 7 siman tabata preparashon pa e kòntèst. A kubri áreanan manera komunikashon i liderazgo, kon pa skirbi, prepará i presentá un spich, dirigí reunion, notulá i ta sargente di evento, prepará e sala i kuida di e invitadonan.

Un total di 6 hóben entre 16 i 22 aña a tuma parti na e treinen di preparashon. E hóbennan Jorge Vázquez, Ovier Maduro, Marielouise Sint Jago, Richmend Anthony, Riordan Carolina i Nathaniel Cicilia, a partisipá na e treinen aki i tambe na e kòntèst. E kòntèst tabata konsistí di dos parti, spich i tópiko di mesa.

Jorge Vázquez su tópiko di spich tabata ‘Fayo’, Ovier Maduro ‘Libertat, Marielouise Sin Jago ‘Pasenshi, Richment Anthony ‘Inspirá’, Riordan Carolina ‘The ups and downs i Nathaniel Cicilia ‘Daniel i un flor’. Den e kategoria di tópiko di mesa a sali na di tres lugá Riordan Carolina, na di dos lugá Ovier Maduro i ganadó Nathaniel Cicilia. Den e kategoria di spich a sali na di tres lugá Ovier Maduro, di dos lugá Richmend Anthony i ganadó apsoluto Nathaniel Cicilia.

 

SHARE


LEAVE A REPLY

Please enter your comment!
Please enter your name here