Estrellas a gana Vespo 1-0

KRALENDIJK—

E ekipo di futbòl di Nort Saliña Kunuku Bieu ku ta s.v. Estrellas, djabièrnè último 2 di novèmber 2018 na Stadion Antonio Trenidad na Rincon den oranan di anochi, a gana di Vespo di Rincon ku skor mínimo di 1-0, esaki den promé partido di e temporada ku ta kampionato 2018-2019 di futbòl di nos isla.

Ku esaki s.v. Estrellas ta logra su promé viktoria i promé tres puntonan di e temporada. Vespo ku esaki ta sufri su promé derota di e temporada i kai atras den e kampionato. E partido aki den su promé mitar no a konosé gol, e partido a parti na dos pa sosiegu reglamentario sin gol, 0-0 pues.

Tabata e di dos mitar di e partido, na di 86 minüt di e partido, ku Gabriël Alberto, ku un kabesaso ta anotá e úniko gol di e partido, loke a resultá sufisiente pa s.v. Estrellas bai ku e viktoria i tres puntonan fo’i dje partido. Importante sèmper ta pa un ekipo sali i logra su promé tres puntonan fo’i su promé partido di e temporada.

S.V. Estrellas pues ta bira e promé ekipo ku ta logra e promé viktoria i promé tres puntonan di e kampionato. Riba potrètnan e ekiponan ta subi tereno di wega pa e partido, e kapitannan ta deseá otro éksito promé ku e partido, e timnan huntu ku e presidente di FFB sr. Luti Balentin i tambe diputado di deporte, sr. James Kroon.

SHARE


LEAVE A REPLY

Please enter your comment!
Please enter your name here