Fundashon Klave a premia miembronan

KRALENDIJK—

Fundashon Klave ku ta e organisashon di músikonan di nos isla, djaweps último riba dia di selebrashon di Santa Cecilia Patrona di músikonan na Garden Café, a premia su miembronan ku durante aña a destaká.

A premia e banda mas popular, grupo krioyo mas popular, kansion mas popular. Promé ku pasa pa entregá e premionan, e presidente di Fundashon Klave, sr. Gabriël Pourier, a duna splikashon kon a yega na e premiashon. Komo banda mas popular 2018 a premia e agrupashon musikal Fenty Music komo tal.

E agrupashon musikal Foyan Boyz a keda premiá komo Grupo Krioyo mas popular. Tiri Trinidad a keda premiá ku e kansion “E Hel” komo e kansion mas popular 2018. E premiashon tabata na enkargo di diputado sr. James Kroon huntu ku miembronan di direktiva di Fundashon Klave.

Riba potrètnan algun bista di e premiashon, tambe algun di e agrupashonnan musikal ku tabata presente e anochi aki, entre otro Grupo Eso, Three Stars.

SHARE


LEAVE A REPLY

Please enter your comment!
Please enter your name here