Grupo Tutti Frutti a haña Chapi di Lucha

KRALENDIJK –

Grupo Tutti Frutti, dirigí pa Emma Sint Jago, a risibí chapi di lucha djaweps. Diputado Edsel Cecilia a entregá e distinshon aki na e grupo musikal, ku ta aktivo pa 25 aña kaba riba tereno kultural. Tutti Frutti a aktua tambe djaweps anochi den kurá di SKAL, na unda e aktividat a tuma lugá. Grupo Tutti Frutti no mester di masha introdukshon. Nan promé aktuashon tabata na bordo di e barku di turista Freewinds 25 aña pasá.

E nòmber Tutti Frutti ta referí na echo ku e grupo den kuminsamentu tabata konsistí di integrantenan for di diferente musikal. Durante su eksistensia Grupo Tutti Frutti a graba alrededor di 8 CD, tambe a aktua den diferente pais, manera e aña aki mes na Hulanda i despues Kòrsou. Tur aña SKAL, na nòmber di Gobièrnu di Boneiru, ta otorgá dos chapi di lucha.

Un ta pa personanan ku a sobresalí riba tereno kultural i e otro pa hendenan ku ta òf tabata aktivo riba tereno sindikal.

SHARE


LEAVE A REPLY

Please enter your comment!
Please enter your name here