Kampion Panamerikano David Lee Winklaar a regresá

KRALENDIJK—

Un gran públiko a risibí nos kampion Panamerikano 2018 di “kickboxing”, David Lee Winklaar, na su yegada di regreso na aeropuerto Flamingo di Boneiru djamars último, despues ku fin di siman pasá e la gana di e kanades kampion di aña pasá i titulá kampion Panamerikano 2018 di “kickboxing” na Cancun Mexico.

David Lee a mustra superioridat riba su kontrinkantenan, tantu un merikano komo e kanades. Promé ku eseinan, loke mester a bira su promé kompromiso den e panamerikano, su kontrinkante no a presentá pa e pelea. Na su regreso djamars último den oranan di atardi, un gran públiko, tambe nos mandatarionan diputado Kroon i diputado Cecilia huntu ku Miss Turismo i Miss Bonaire, tabata presente kompañando e famia di David Lee pa dun’é un kaluroso bonbiní na kas ku e faha komo prueba di su título di kampion Panamerikano 2018 di “kickboxing”.

Un gran públiko tabata presente na aeropuerto pero tambe kantu di kaminda saliendo aeropuerto pa saludá nos kampion. Bunita tabata momentu u e karavana a yega na altura di e kazèrne di Brantwer, kon tur e spùitnan na liña banda di otro ku sirena a saludá nos kampion. E pueblo boneriano den un palabra, orguyoso di nos kampion Panamerikano, a respondé riba e yamada pa duna e kampion Panamerikano un kaluroso bonbiní na su yegada. Danki Boneiru. Pabien David Lee i sigui ku éksito. Riba potrètnan momentu ku David Lee a yega Aeropuerto Flamingo Boneiru djamars atardi di regreso fo’i Mexico.

SHARE


LEAVE A REPLY

Please enter your comment!
Please enter your name here